聖詩2009(台灣基督長老教會詩歌)聖詩歌詞,音檔,影音檔－米達想想(生活大小事)

聖詩 2009(台灣基督長老教會詩歌)歌詞,音檔,影音檔

敬拜讚美樂音榮耀https://www.facebook.com/winchurch/

聖詩031 天父疼咱世間眾人(聖詩歌詞,音檔,影音檔)

1. 天父疼咱世間眾人，賞賜獨生聖子，拯救、贖回，顯明疼痛，天父實在是疼。
【複歌】天父上帝真正是疼，連我也得祂疼；赦我一切污穢罪過，天父上帝是疼。
2. 雖然我有罪過極重，悖逆天父聖名，做主對敵是我此人，猶久祂也是疼。(複歌)
3. 聖子耶穌釘十字架，替咱受苦慘死，是為著咱，贖咱罪債，祂疼親像按呢(複歌)
4. 天父疼痛即深即大，眾人應該識祂；著緊緊來，大家近倚，得救著趁此時(複歌)

聖詩036 上帝的恩惠慈悲(聖詩歌詞,音檔,影音檔)

1. 上帝的恩惠慈悲，極高無地比，仰望高山嶺四邊，白雪滿遍是；
透早黑門山花開，日頭發光輝，這山高大人欣羨，主恩閣卡高。
2. 上帝的恩惠慈悲，極深無地比，海墘水退的山坪，大湧簸佇遐；
黃昏加利利海岸，日光猶未散，這海雖深水常淹，主恩閣卡深。
3. 上帝的恩惠慈悲，極闊無地比，一望無際的沙漠，遙遠的荒埔；
淒凊阿拉伯曠野，月光啲照射，這荒埔雖然真大，主恩閣卡闊

聖詩076 上帝差祂獨生子兒 (聖詩歌詞,音檔,影音檔)

1.上帝差祂獨生子兒，羊廄內卑微出世，三十年久孝順父母，盡情義，敬愛兄弟；
三年傳道，四界奔波，暝及日祂直直磨，狐狸有孔，鳥隻有巢，咱的主無位通歇。

2.為著疼咱臨到世間，甘願擔ㄧ切苦難；祂受鞭拍，咱得醫好，受刑罰，咱得平安；
親像ㄧ粒落土種籽，十字架頂替咱死，今有復活，閣再puh-ín，遍地上開花結籽。

3.道成肉體恩臨萬邦，主是路，主是向望, 導咱脫離罪惡烏暗，入父兜得著解放；
此款疼痛即呢完全，咱著數念，咱著傳，傳主公義，傳主仁愛，傳主福音到永遠。

聖詩118上帝為咱，疼痛不變(聖詩歌詞,音檔,影音檔)

1. 上帝為咱，疼痛不變啥人會對敵咱無惜聖子為咱來獻萬物白白互咱
2. 啥人欲告上帝選民上帝稱in做義啥人會定in做罪人主替in死閣起
3. 祂坐大旁替咱祈禱雖有患難憂悶窘逐、枵餓、危險、利刀對疼得勝有賰
4. 無論掌權、死失、活命權能、現今、將來攏隔斷上帝的疼就是佇主仁愛

聖詩159 主Tiàm我心內，無驚惶自在(聖詩歌詞,音檔,影音檔)

1. 主tiàm我心內，無驚惶自在，此世間只有祢是我所愛；
暝日我心神數念祢無停，祢做我光燈，互我有光明。
2. 主做我智慧，互我通倚靠，逐時刻tiàm佇祢，受祢照顧；
祢作我天父，我作祢的子，祢及我結連，我及祢同行。
3. 世間無一項比祢卡寶貝，因為祢屬佇我，永遠bōe廢；
祢是我一切，我欲信靠祢，天頂的君王，世間無通比。
4. 天頂的君王，互我會得勝，願祢導我到天，永tiàm天庭；
或是有艱難，抑是大變遷，我決斷隨主，永遠無厭倦。

聖詩160 時刻需要主(聖詩歌詞,音檔,影音檔)

1. 時刻我需要主，極大慈悲，著聽我主的聲，就會歡喜。
【複歌】求主永tiàm我心裡，時刻及我佇啲，我欣慕此號福氣，我來就祢。
2.時刻我需要主，祢若近倚，試煉攏無氣力通迷惑我。(複歌)
3.時刻我需要主，無論禍福，求祢及我無離才有安樂。(複歌)
4.時刻我需要主，至聖、至善，真愛做祢的子久長無變。(複歌)

聖詩165 疼痛聖神求你降臨(聖詩歌詞,音檔,影音檔)

1. 疼痛聖神，求祢降臨，感動阮得完全，助阮經驗祢的國度，擴展祢的掌管。
【複歌】懇求聖神活命充滿阮。懇求聖神活命充滿阮。
2. 疼痛聖神，求祢點toh 對主火熱信仰，助祢子民追求合一，用禮拜及行動(複歌)
3. 疼痛聖神，願祢智慧引導舉止言行，祢將萬有創造換新，助阮歡喜回應(複歌)
4. 求祢解放混亂世界，無有衝突驚惶，助祢子民盡力追求全地和諧相疼。(複歌)

聖詩177首這是重新出發的日子(聖詩歌詞,音檔,影音檔)

1. 這是重新出發的日子，是咱回想、向前的時；
相信疼痛會帶來醫治，安然歇睏，苦痛過去。
2. 靠主耶穌救贖的功勞，聖神權能逐時降落；
通過你我互世界變好，信心向望重新起造。
3. 靠主聖神堅固咱心志，勇敢行出舊的過去；
失望、罪過、憂傷攏脫離，追尋新路，發現意義。
4. 永活的主作前導咱去，分享見證疼痛作為；
這是重新出發的日子，慈愛上帝換新萬物。
5.對信大家坐桌來圍纍，相及分享疼痛滋味；
這是重新出發的日子，慈愛上帝換新萬物。

聖詩191首祢的話實在做阮腳前的燈(聖詩歌詞,音檔,影音檔)

1. 祢的話實在做阮腳前的燈，祢的話啟示阮認識主耶穌，

祢的話實在做阮腳前的燈，祢的話啟示阮認識主耶穌，
世間真光，祢有趕散烏暗；跟隨祢，阮就會行佇光明。
哈利路亞，阿們！哈利路亞，阿們！
2. 祢的話實在做阮腳前的燈，祢的話宣揚主耶穌的仁愛，
祢的話實在做阮腳前的燈，祢的話宣揚主耶穌的仁愛，
世間真光，祢是活命米糧；是阮一切快樂謳咾詩歌。
哈利路亞，阿們！哈利路亞，阿們！

聖詩192祢的話若活水江河(聖詩歌詞,音檔,影音檔)

1. 祢的話若活水江河永遠流落佇阮一生
活水互阮氣力勇氣來飲心神得精英
2. 祢的話若天國種籽永遠長大佇阮一生
為阮備辦豐盛米糧享受宴席永無停
3. 祢的話若親像明鏡永遠反照佇阮一生
互阮看出家己真相主子兒原本形象
4. 祢的話若雙面利劍永遠鑿入佇阮一生
對祢的話得新活命真理虛假得分明
5. 祢的話若一支光燈永遠照路佇阮一生
導阮經過遙遠路途到上帝國新天庭

聖詩194開我目睭互我看見(聖詩歌詞,音檔,影音檔)

1. 開我目睭互我看見祢所啟示聖經真理，佇我手中有奇妙鎖匙伊會拍開主聖旨意
今我恬靜啲聽候祢，我心便便愛祢指示，開我目睭互我看見，至聖的神！
2. 開我耳孔互我聽見祢所傳報福音真理真理的聲若入我耳內逐項虛假bōe會閣來
今我恬靜啲聽候祢，我心便便愛祢指示，開我耳孔互我聽見，至聖的神！
3. 開我嘴唇互我意愛傳報真理到逐所在開我的心互我會備辦用主疼痛分享世間。
今我恬靜啲聽候祢，我心便便愛祢指示；開我嘴唇互我報揚，至聖的神！

聖詩195我的心是土地(聖詩歌詞,音檔,影音檔)

1. 我的心是土地愛種落祢的話若是殷勤栽培就欲結實多多
2. 祢的話是種籽佇我心緊puh芛灌沃聖神活水就欲結實虆虆
3. 主的道是真理欲長大佇心裡時常勉勵教示行踏合主旨意

聖詩226全地著向主上帝來唱歌(聖詩歌詞,音檔,影音檔)

1. 全地著向主上帝來唱歌，歡喜的心來服事主上帝，
全地著向主上帝來唱歌，歡喜的心來服事主上帝，
著唱歌來到祂的面前，著唱歌來到祂的面前。
【複歌】全地著向主上帝來唱歌，歡喜的心來服事主上帝。
2. 恁著知宇宙主宰是上帝，咱是祂創造的，也是祂的，
恁著知宇宙主宰是上帝，咱是祂創造的，也是祂的，
咱做祂子民、草場的羊，咱做祂子民、草場的羊。(複歌)
3. 著用感謝來進入祂的門，也用謳咾來進入祂的院，
著用感謝來進入祂的門，也用謳咾來進入祂的院，
著感謝祂謳咾祂的名，著感謝祂謳咾祂的名。(複歌)
4. 因為上主是至大閣極好，祂憐憫慈愛永遠bōe廢無，
因為上主是至大閣極好，祂憐憫慈愛永遠bōe廢無，
祂的信實直到萬世代，祂的信實直到萬世代。(複歌)

聖詩260 天邊海角多多子民(聖詩歌詞,音檔,影音檔)

1. 天邊海角多多子民聚集謳咾上主阮愛齊聲來稱讚祢一切文化的主
2. 世界多樣人種腔口今同聚集吟詩歡喜快樂美妙詩歌感恩奉獻禮物
3. 仁愛、真光、活命源頭感謝賞賜此日祢所應允逐項夠額恩典永遠無失
4. 向望、願景、眠夢源頭阮就近祢座前對祢真光得大感動明白屬天家庭
5. 對遮出去公司、家庭將所領受分享遵主教示疼惜關心採取具體行動

聖詩292 聖哉，聖哉，聖哉 (聖詩歌詞,音檔,影音檔)

聖哉，聖哉，聖哉，我心虔誠來尊崇！
我心深知對祢吟講，至聖我的主。

聖詩300 阮真感謝祢至聖仁愛 (聖詩歌詞,音檔,影音檔)

1. 阮真感謝祢至聖仁愛祢救阮脫離悲傷掛礙
助阮莫後悔解放驚惶歡喜就近祢得新性命
2. 為所賜氣力阮來慶賀罪人今變成勇敢信徒
赦免阮對敵，齊聲吟詩今歡喜快樂攑疼的旗
3. 獻阮的性命做祢活祭接受祢呼召追尋失迷
為喪鄉枵餓排設宴席氣力贏試煉免閣驚惶
4. 高舉主基督榮耀聖名對忠實信徒祢賜活命
阮尊崇救主趁祢教示今日所向望和平公義

聖詩303主，我欲謳咾祢 (聖詩歌詞,音檔,影音檔)

1.主，我欲謳咾祢，盡心盡意，我欲報揚祢奇妙大權能，歸榮光祢聖名。
主，我欲謳咾祢，盡心盡意，對祢欲尋著人生的喜樂，哈利路亞。
2. 主，我真實疼祢，盡心盡意，我欲報揚祢奇妙大權能，歸榮光祢聖名。
主，我真實疼祢，盡心盡意，對祢欲尋著人生的喜樂，哈利路亞。
3.主，我欲服事祢，盡心盡意，我欲報揚祢奇妙大權能，
歸榮光祢聖名。主，我欲服事祢，盡心盡意，對祢欲尋著人生的喜樂，
哈利路亞。

聖詩304 我欲謳咾 (聖詩歌詞,音檔,影音檔)

我欲謳咾我欲謳咾我欲謳咾我主上帝我欲謳咾我欲謳咾我欲謳咾我主上帝

1. 約翰有聽見攏總受贖子兒，一齊出聲謳咾主聖名。
有人啲祈禱，有人啲唱歌， 一齊出聲謳咾主聖名。

【複歌】我欲謳咾我欲謳咾我欲謳咾我主上帝我欲謳咾我欲謳咾我欲謳咾我主上帝

2. 齊聲稱讚歡喜謳咾唱歌，將一切謳咾榮光歸上帝。榮光歸聖父，
榮光歸聖子榮光歸疼痛聖神到萬世。(複歌)
3. 阮做祢子兒，主，阮永遠天父，祢用疼痛來創造阮大家。
阮欲尊崇祢，阮欲稱讚祢，願尊貴榮光歸祢到萬世。(複歌)

聖詩315 天父恩典真正大 (聖詩歌詞,音檔,影音檔)

詞曲: 鄭明堂, 請支持購買正版

http://win588stock.pixnet.net/blog/post/218299017

天父恩典真正大，日日啲引導，無論風湧抑平靜，祂攏啲作伴，
咱著數算祂的恩，日日用有賰，互災禍艱難變成歡喜，煩惱變福氣。
祂的確引導，互咱恩典攏無息，開咱的心闊，平安福氣有即呢大；
咱著謳咾開聲吟詩，互天地攏總相及歡喜。

聖詩324 我罪極重，bōe得推辭(聖詩歌詞,音檔,影音檔)

1. 我罪極重，bōe得推辭，照天律法永遠著死；
知無法度通救家己，耶穌，我來就祢，就祢。
2. 我罪極重，滿心污穢，家己努力，無法通洗；
主流寶血洗我清氣，耶穌，我來就祢，就祢。
3. 我罪極重，心內破病，親像重症無藥通醫；
靈魂病症主會醫治，耶穌，我來就祢，就祢。
4. 我罪極重，本屬撒但，做伊奴僕，受盡苦難；
主會救我，互我脫離，耶穌，我來就祢，就祢。
5. 我罪極重，主恩極大，接納罪人，赦我罪過；　
聽主命令，著信無疑，耶穌，我來就祢，就祢。
6. 我罪極重，主恩極深，賞賜聖神，感化我心；　
情願歸主，永無相離，耶穌，我來就祢，就祢。

聖詩395 至聖天父，阮感謝祢(聖詩歌詞,音檔,影音檔)

1. 至聖天父阮感謝祢受祢引導及祢相見心內罪惡佇祢面前對主寶血今得洗清

2. 願祢所撒活命真理入阮心內結好果子顯出仁愛做好模樣引導人人靈魂得救

3. 阮欲四散求主賜福困苦的人賜in快樂聖神引導及阮同行言行舉止榮光祢名

聖詩379 願我會愈疼祢, 我主基督(聖詩歌詞,音檔,影音檔)

1.願我會愈疼祢，我主基督，跪落祈禱謙卑，求祢賜福；

我心懇求無離，愈久會愈疼祢，會愈疼祢，會愈疼祢。
2. 早我擒住世間安樂得意，今我願放逐項，專心尋祢；
儆醒祈禱無離，愈久會愈疼祢，會愈疼祢，會愈疼祢。
3. 世間雖有艱苦、憂悶、煩惱，義人有主通靠，歡喜謳咾；
我嘴吟詩無離，愈久會愈疼祢，會愈疼祢，會愈疼祢。
4. 雖然氣力衰膦，吟詩細聲，我心猶原勇敢隨祢來行；
迫切祈禱無離，愈久會愈疼祢，願我疼祢，願我疼祢

聖詩398願咱救主耶穌基督(聖詩歌詞,音檔,影音檔)

1.願咱救主耶穌基督顯明恩典慈悲天父上帝賞賜大福疼咱親像子兒疼咱親像子兒
2.聖神權能給咱感動徛起逐人心內三位一體及咱相通此時到萬世代此時到萬世代

聖詩519為此塊土地阮誠心祈禱(聖詩歌詞,音檔,影音檔)

為此塊土地阮誠心祈禱願主的真理若光全地遍照

為此個城市阮謙卑懇求願主賜活命互阮骨肉得救
願全能天父上帝，祢聖國降臨願喪鄉及悲傷攏離開阮心中
願全能天父上帝，祢旨意得成願向望及喜樂永遠tiàm阮心中

聖詩525首 : 阮為萬民求主照顧(聖詩歌詞,音檔,影音檔)

1.阮為萬民求主照顧施恩逐國逐族閣求顧阮最愛鄉土賜福佇阮本國。
2.阮眾祖先墳墓佇遮，親族tiàm遮徛起阮做子孫也欲tiàm遮別位豈會通比
3.互阮免得抵著戰爭，國境平安、快樂，城市發展鄉鎮振興，田園收成充足。
4.互阮大家成做一體，相疼擁護真理，自由詩歌響亮無替，遍地逐位歡喜。
5.萬邦的主，阮將本國交代佇祢聖手，求祢保護，施恩賜福，久長做阮拯救。

聖詩533 我真愛講這故事(聖詩歌詞,音檔,影音檔)

1. 我真愛講這故事，天頂奧妙的代，論主極大的榮光，以及祂大仁愛；
我真愛講這故事，因為我知是實，互我心安兼知足，贏過芳花甜蜜。
【複歌】我真愛講這故事，上天也講這故事，永遠新新的故事，數念疼我的主。
2. 我真愛講這故事，愈想愈有滋味，世間逐項所向望，攏總及這比；
我真愛講這故事，對這受大感激，所以報我所經過，望恁來得利益。(複歌)
3. 我真愛講這故事，親像樂器的聲，逐擺愈想愈出奇，愈講也愈好聽；
我真愛講這故事，世人真多未聽，上帝聖經所記載，福音救人的聲。(複歌)
4. 我真愛講這故事，雖然聽到熟熟，猶原愈枵愈嘴焦，欣慕愛聽到極；
到佇榮光的所在，啲吟天頂的詩，也是記念這故事，救主仁愛無比。(複歌)

聖詩534首有一項事實在好聽(聖詩歌詞,音檔,影音檔)

1. 有一項事實在好聽，我心歡喜來報；人人若信就攏免驚，真正是通謳咾。

【複歌】是舊，猶久永新，是舊，猶久永新，我知，我知是真，是舊，猶久永新
2. 上帝的子耶穌基督歡喜替我來死，互我會通入祂聖國，永遠及祂徛起(複歌)
3.耶穌替我擔當災難，來死佇十字架，互我時常歡喜平安，用血贖我罪債(複歌)
4.耶穌仁愛無窮無盡實在bōe當測to̍k；求主耶穌感化我心，互我歡喜順服(複歌)

聖詩587我呣知明日會怎樣 (聖詩歌詞,音檔,影音檔)

1. 我bōe知明日會怎樣，主導路，我免擔憂，我無求逐日好日光，有時陣烏暗oh當
對將來我充滿向望，主保守的確穩當，我逐日及主同腳步，祂知我頭前路途。

【複歌】多多事明日會臨到多多事oh得明瞭我深知主掌管明日，祂牽我一路行透

2. 每一步愈行愈光明，親像peh黃金樓梯我重擔愈背就愈輕，若雲彩燦爛光輝；
彼所在主榮光普照無目屎永無試煉，佇美麗彩虹的盡頭，眾山嶺及天相連。(複歌)

3.我呣知將來的日子，是枵餓，抑是傷悲既然主有養飼鳥隻，祂也會互我夠額；
佇頭前雖然有水火，有試煉也有苦杯，今有主引導我路站，祂寶血給我遮蓋(複歌)

聖詩589 親愛主牽我手 (聖詩歌詞,音檔,影音檔)

1. 親愛主，牽我手，引導我得徛在，

我厭倦，真軟弱，常失敗；經風湧過暗暝，
導我行入光明，親愛主，牽我手到天庭。
2. 我路途真悽凊，主近倚來作伴，
我人生的路程啲欲息；求祢聽我求叫，
扶我手免跋倒，親愛主，牽我手到天庭。

聖詩597 秋葉會落圍牆會倒壞 (聖詩歌詞,音檔,影音檔)

1. 秋葉會落，圍牆會倒壞，名聲及權勢也會敗。

當阮欲跋倒，求主扶持阮，求祢用雙手接納阮。
當阮欲跋倒，求主扶持阮，求祢用雙手接納阮。
2. 當阮跋倒，祢陪阮受苦，過死蔭山谷無絕路。
當阮啲餒志，祢及阮同在，用疼扶持阮得徛在。
當阮啲餒志，祢及阮同在，用疼扶持阮得徛在。
3. 對倒壞中今阮得徛在，無死亡、見誚，無失敗。
聽祢的激勵、疼痛的呼聲，阮奉祢聖名向前行。
聽祢的激勵、疼痛的呼聲，阮奉祢聖名向前行

聖詩599 無論佇甚麼時陣 (聖詩歌詞,音檔,影音檔)

1. 無論佇甚麼時陣，無論佇甚麼時陣，呣通互苦難贏去，也呣通悲傷失志，

有耶穌的疼，有耶穌的疼，著信有耶穌的疼。
2. 無論佇甚麼境遇，無論佇甚麼境遇，著向望將來福氣，主會賜信仰勇氣，
有耶穌的疼，有耶穌的疼，因為有耶穌的疼。

聖詩605靠主恩典奇妙氣力啲保護 (聖詩歌詞,音檔,影音檔)

(有降key)

1. 靠主恩典奇妙氣力啲保護，堅心聽候主所安排道路；
阮知上帝暝日無停啲照顧，逐個新日子主親切招呼。
2. 雖然撒但窘迫我心真艱苦，兇惡路境背重擔無法度；
心靈驚惶，祢拯救穩當堅固，這是主祢給阮備辦道路。
3. 祢所斟互我苦杯到滿出來，上帝旨意深沉oh得了解；
阮猶感恩對祢聖手來接受，因為深信主會疼痛保祐。
4. 回想佇此世間祢所賜日子，享受燦爛日光喜樂、甘甜；
常常記念一生年日無bōe記，阮決意全生涯攏歸屬祢。